ملاحة صوتية
إرشاد خطوة بخطوة بالعربي الفصيح أو الإنكليزي، ويعيد حساب الطريق وحده إذا طلعت عنه.
تطبيق عراقي 100٪
وين ما رايح،
وين ما رايح،
ماشي يوصّلك
خرائط وملاحة صوتية تعرف الزحمة لحظة بلحظة من السواق أنفسهم، تنبّهك على السيطرات والحوادث وكاميرات السرعة، وتكسي بسعر ثابت تعرفه قبل ما تطلب.
- مجاني
- يغطي كل محافظات العراق
- عربي · English · کوردی
ليش ماشي؟
مصمّم لشوارع العراق
من بغداد للبصرة لأربيل: خريطة مفصّلة، وطرق محسوبة على الزحمة الحقيقية مو على التخمين.
الزحمة لحظة بلحظة
سرعات السواق تتحوّل لخريطة زحمة حيّة، وماشي يختار الطريق الأسرع حسبها.
تنبيهات الطريق
سيطرات وحوادث وطرق مغلقة وطسّات، يبلّغ عنها السواق وتوصلك قبل ما توصلها.
السرعة والكاميرات
ينبّهك إذا تجاوزت حد السرعة، وقبل كاميرات المراقبة.
ابحث عن أي مكان
مطاعم وصيدليات ومحطات وقود ومحلات: ابحث بالاسم ووصلها بضغطة.
تجنّب الطرق الترابية
يبعدك عن الطرق غير المعبّدة إذا أكو بديل معقول.
Android Auto
شغّل ماشي على شاشة سيارتك، وخلّي إيدك على السكان.
شارك موقعك
ابعث موقعك أو أي مكان برابط قصير، ينفتح بماشي أو بالمتصفح.
شلون نعرف الزحمة؟
الزحمة يرسمها السواق أنفسهم
كل سيارة بيها ماشي مفتوح تصير حسّاس زحمة: التطبيق يرسل السرعة والاتجاه بدون اسمك أو رقمك، والسيرفر يحوّلها لخريطة يستفاد منها الكل.
سالكمتوسطزحمةمتوقف
كل ما يزيد عدد السواق، تصير الزحمة أدق.
- 1
تسوق وماشي مفتوح
التطبيق يقيس سرعة سيارتك واتجاهها أثناء السياقة.
- 2
بيانات بلا هوية
تنرسل بمعرّف عشوائي يتغيّر، والنقاط الخام تنحذف خلال ساعة تقريباً.
- 3
طريق أسرع للكل
ماشي يلوّن الشوارع حسب الزحمة ويختار الطريق الأسرع لكل سائق.
بلّغ بضغطة، وخلّي غيرك يتجنّب
الإبلاغات تظهر للسواق القريبين بدون اسمك، وتختفي وحدها لما ينتهي الحدث.
- حادث
- طريق مغلق
- سيطرة
- ازدحام
- طسة
- سيارة متعطلة
- أعمال صيانة
- طقس سيئ
- كاميرا مراقبة
تكسي ماشي
تكسي بسعر ثابت، تعرفه قبل ما تطلب
اختار وجهتك، شوف السعر، واطلب. الكابتن يجيك وتتابعه على الخريطة لحظة بلحظة.
سعر ثابت قبل الطلب
بلا مساومة ولا مفاجآت بنهاية الرحلة.
توفير أو سوبر
سيارة عادية بسعر أقل، أو سيارة أحدث وأوسع.
الدفع كاش
تدفع للكابتن مباشرة، وما نطلب أي بطاقة.
تعرف منو جايك
اسم الكابتن وصورته وسيارته ورقمها، وتتابعه على الخريطة.
دردشة واتصال
تحجي ويه الكابتن من داخل التطبيق.
أمانك أولاً
شارك رحلتك ويه أهلك بالواتساب، أو اتصل بـ 911 بضغطة.
ادعُ أصدقاءك واربح خصم دائم على كل رحلات التكسي.
للكباتن
صير كابتن ويه ماشي
اشتغل بسيارتك واكسب بوقتك. الطلبات القريبة توصلك على التطبيق، والسعر واضح من البداية.
- 1
نزّل ماشي وسوّي حساب
برقم تلفونك، يسوى بدقيقة.
- 2
سجّل ككابتن
صوّر البطاقة الوطنية وإجازة السوق والسنوية، وصورة للسيارة تبيّن رقمها.
- 3
استلم الطلبات
بعد موافقة الإدارة شغّل الاستقبال، والطلبات القريبة منك توصلك برنّة.
لأصحاب المحلات
خلّي زباينك يوصلولك
أضف محلك على الخريطة
أضف اسم محلك وموقعه وصوره من التطبيق، وبعد المراجعة يظهر بالبحث وعلى الخريطة.
أعلن ويه ماشي
إعلانك يوصل لمستخدمي ماشي داخل التطبيق، ويختفي أثناء الملاحة والسيارة ماشية حفاظاً على سلامتهم.
خصوصيتك
بياناتك مو للبيع
- نقاط الزحمة بدون اسمك أو رقمك، وتنحذف خلال ساعة تقريباً.
- ما نبيع بياناتك لأي جهة.
- توقف مشاركة الزحمة أو قياس الإعلانات من الإعدادات بأي وقت.
- تحذف حسابك من التطبيق نفسه.
عندك سؤال؟
الأسئلة الشائعة
هل ماشي مجاني؟
إي، التطبيق مجاني. تدفع بس أجرة التكسي إذا طلبت رحلة، كاش للكابتن.
يشتغل بكل العراق؟
الخريطة والملاحة تغطي كل محافظات العراق. التكسي يتوفر حسب الكباتن المتصلين قريب منك.
شلون يعرف ماشي الزحمة؟
من سرعات السواق اللي مفعّلين «مشاركة بيانات الحركة»، بدون أسمائهم أو أرقامهم. وكل ما يزيد المستخدمين تصير الزحمة أدق.
أكو نسخة للآيفون؟
إي، ماشي موجود على App Store للآيفون، وعلى Google Play للأندرويد.
يشتغل على شاشة السيارة؟
إي، ماشي يدعم Android Auto.
شلون أصير كابتن؟
من داخل التطبيق اختار «سجّل ككابتن» وصوّر البطاقة الوطنية وإجازة السوق والسنوية. نراجع طلبك ونبلغك.
شلون أحذف حسابي؟
من التطبيق: الحساب ← حذف الحساب. يتوقف الحساب فوراً، والتفاصيل موجودة بسياسة الخصوصية.
جاهز تمشي؟
نزّل ماشي هسه، وخلّي طريقك أوضح من أول مشوار.